Los reis 2017 a Perinhan

Cada annada lo Cercle Occitan de Narbona festeja los reis dins un vilatge del Narbonés.

 Ongan, Perinhan es lo que nos recebrà dins sa Sala de las fèstas, lo dissabte 14 de genièr de 2017 a 19 oras.

 Sètz totes convidats a aquela « serada cabaret » animada per AQUELES, triò vocal de polifonias masculinas en occitan.

 Moment festiu de paratge e convivialitat, dobèrt a totes, a l'entorn d'una saqueta. Cadun pòrta de que manjar e beure. (portatz vostre cobèrt al complet)

 Lo Cercle Occitan de Narbona ofrirà aperitiu, galetas e blanqueta e mostrarà son taulièr d'articles a las colors occitanas.

 Dintrada liura, capèl (indispensable) pels artistas. 

2017 Affiche Los Reis copie

 Los reis 004

 

 Los reis 003 

Los reis 024 Los reis 020
 Los reis 034  Los reis 027


Los reis 035 

 

 Lo Cercle Occitan de Narbona amb lo sosten de la vila de Perinhan an festejat los Reis dissabte 14 de genièr 2017.

Dins un ambient cabaret, lo trio vocal masculin « Aqueles » a sedusit los nombroses participants per la qualitat de lor prestacion. Lo cantaire occitan La Sauze acompanhat per son contrabassista fidèl Alan Carbonell nos an regalat de qualquas cançons risolièras,

Auriam poscut escotar fins al cap de la nuèit, los Perinhaneses Guiu e Cristian, amb lors istòrias comicas en lenga mairala.

La corala del grop occitan Los Amics de Lespinhan nos an interpretat qualquas pampalhetas de lor repertòri.

Lo repais de la mena saqueta acompanhat de vin de país del ''Château de Mire l'Étang'' d'en Chamayrac e l'ambient festiu a fait polida part a la lenga nòstra. Per segur, còcas e blanquetas per coronar Reinas, Reis e serada.

Los organizators mercejan las personas que faguèron la sala polida, los Occitans de Perinhan, de Salas d'Aude, de Lespinhan, de Narbona e d'endacòm mai, e Ràdio Lenga d'Òc 95.5, qu'an per lor presenciá e lor umor bèla assegurat lo succès de la serada.

 Legir en francés

 Veire mai de fotòs

 

logo serge leger CER Narb 11