Lo Cercle Occitan de Narbona es una associacion que ten per tòca d'amassar las gents que demoran a Narbona e dins lo Narbonés que vòlon s'interessar a la lenga e a la cultura occitana e mai la promòure.
Es dobèrt a totes. Se cantona pas sonque a los que coneisson l'occitan, ni mai a las gents de soca occitana o originaris de la Region.
Lo Cercle Occitan de Narbona es una associacion de lei 1901 creada en 1977 apolitica e laïca. Es un Cercle local de l'Institut d'Estudis Occitan (I.E.O) associacion reconeguda d'utilitat publica, la mai importanta per la promocion de l'Occitan per Occitània tota.
Lo Cercle Occitan de Narbona es una associacion d'acuèlh, d'animacion e de promocion de l'Occitan, permanenta a Narbona e en Narbonés.
Adreça del sèti : 10 Rue de l'ancien port des Catalans - 11100 Narbonne (pas de permanéncia)
contacte secretariat :
09 71 39 25 03 - Cette adresse e-mail est protégée contre les robots spammeurs. Vous devez activer le JavaScript pour la visualiser.
difusion libres, discs, causòtas occitanas :
04 68 41 15 71 / 06 78 02 10 99 - Cette adresse e-mail est protégée contre les robots spammeurs. Vous devez activer le JavaScript pour la visualiser.
- acitivitats :
Los corses gratuits de lenga e cultura occitana donats per de benevòls en periòde escolar al sèti :
Lo dijòus de 18h30 a 20 h (debutant)
Lo dimars de 18h30 a 20h (nivèl avançat)
- Las saquetas :
Repais en comun tirat del sac, en principi alternativament lo primièr dimars o lo primièr dijòus del mes, tre 20h après lo cors. Totes son convidats en aquesta ocasion privilegiada de rescontre liure e convivial, enclaus los membres del Cercle que seguisson pas de corses. S'i pòt menar familha e amics.
- Los taulièrs :
Lo Cercle presenta un taulièr de venda de produches occitans (per adultes e enfants) libres, drapèus, camisetas, berrets, pòrtaclaus, pegasolets etc... per fèstas localas, espectacles, manifestacions divèrsas del Narbonés o del Cercle.
- Los espectacles :
Lo Cercle Occitan de Narbona òbra per establir una collaboracion amb las collectivitats o organismes e las associacions occitanas o culturalas per la programacion d'espectacles occitans.
- Las exposicions, conferéncias :
Rescontre amb d'autors o cercaires sus la lenga, la literatura, l'istòria, la cultura occitana en general.
Organizacion de manifestacions culturalas e fèstivas (sol o en partenariat amb la vila de Narbona, lo Conselh General, la Region L.R, los mercands del mercat cobèrt, d'autras associacions occitanas etc...) exposicions, conferéncias, dictada occitana, balètis, jornadas del patrimòni etc... en particular lo fòc de la Sant Joan.
La Serada foguèt un polit succès !
La Sala de las Fèstas del Palais del Trabalh meritava plan son nom, divendres 27 de febrièr, per la Serada que lo Cercle Occitan de Narbona organiza desempuèi qualques annadas.
Es vengut un eveniment, e se a de fidèles, de novèls i corrisson, seduits per un programa a l'encòp original e per totes los publics.
La Serada es un tot, amb son ambient plan sieu, a l'encòp tranquil e joiós, mas un tot fòrça variat.
L'iniciation a las danças tradicionalas, animada per Acordéons nos violons e Ives Seguièr, càmbia. Venon de mòda dins de publics joves coma pas tant joves qu'aquò.
Es un mejan agradiu mas pas indispensables per se lançar a fons dins lo balèti, subretot quand se mena amb lo dinamisme esclatant del grop Los Gojats, amb de musica e de cançon
occitana de polida qualitat. Los dançaires se'n poguèron donar a bèl èime.
Los que dançavan pas ne profitèron tanben, installats a las taulas o a la banca de la Calandreta La Granhòta.
L'interludi amb los cants de Las Farfantèlas reculhiguèt totes los sufragis.
La salsa, la ligava l'animacion sonòra assegurada per Ràdio Lenga d'Òc Narbona 95.5.
De mainatges escandilhats, que los parents regretavan pas de los aver menats, èran l'imatge del plaser general d'aquela jornada.
Una ocasion requista per conéisser la varietat de la creacion musicala occitana, de dançar, de se rescontrar, d'avançar en occitan, de profitar del taulièr del Cercle Occitan amb sos libres,
disques e articles divèrses. (Per quelques rebats de la Serada 2015 : www.cercle-occitan-narbona.fr)
Cors e talhièr pels novelaris
Cal respectar los besonhs dels novelaris vertadièrs,
que n'i a que sabon pas res de l'occitan, e dels "falses novelaris",
que coneisson e de còps sabon parlar occitan mas venon subretot
per s'iniciar a la lectura e l'escriturae e per las desvolopar.
Los corses, cal donc que sián variats :
pichòtas convèrsas elementaras, iniciacion a la lectura,
escota de cançons e estudi de lors paraulas,
comentaris de dessenhs o de bendas dessenhadas,
lecturas e comentaris de tèxtes mai o mens ambicioses :
contes, galejadas, novèlas, tròces de romans,
gramatica d'un biais mai o mens aprigondit,
exercicis escrits, dictadas, dictadas de traucs, vidèos en occitan.
Lo tot sens pèrdre de vista que la paraula e l'escrit son
doas causas diferentas, perque an pas la meteissa foncion.
Una risejada corteta en francés
a revirar totes amassa - lo tèma
Un tèxte en occitan, legit,
revirat e explicat de faiçon collectiva tanben
Un tèxte cortet ont son levadas
las vocalas accentuadas (la dictada traucada)
Saquetas
Son un moment de convivialitat que refortís la convivialitat
que ja regna dins los corses e talhièrs.
Permeton de se retrobar entre paricipants de corses diferents,
sas familhas e amics, de participants ancians de corses e talhièrs,
mas lor ròtle es tanben de practicar, de perfeccionar
e d'escambiar çó aquesit pendent los corses, es a dire de viure
la lenga en defòra del temps de son ensenhament.