Los Reis 2018

Lo dissabte 13 de genièr 
a Perinhan (Fleury d'Aude)

Sala de las fèstas a 7 oras del sèr
amb Aqueles.

2018 Affiche Los Reis copie

 

     Lo 13 de genièr, lo Cercle Occitan de Narbona e lo grop occitanista de Perinhan s'èran trapats a 7 oras del ser a Perinhan per festejar los Reis ambe totes los (e n'i aviá un fum) qu'avián pogut respondre a lor convit. La Sala de las Fèstas, decorada e polida a mòrt èra comola : se calguèt quichar e ajustar de taulas. Solide que degun aviá pas doblidat lo succès de l'an passat, cadun n'aviá parlat al vesin, e la meteissa formula èra estada represa.

     Es doncas ambe grand plaser que nos tornèrem trapar, 150 benlèu, a partejar una saqueta faraonica en escotant las polifonias occitanas de "Aqueles", triò masculin de primièra borra, tot aquò abans de s'assadolar de galetas, coronas e blanqueta.
     Lo public s'invitèt tanben a-n aquela animacion mai o mens improvisada : nòstre òste Guy Sié, conse de Perinhan, e son istòria pebrada, segur ; lo Barté de Fontcobèrta amb un tèxte a faire pissar de rire ; lo Felip Hammel ; nòstres clavaire e president, Alain Sauzel e Alain Carbonell ; Simone Riu et autres coristas e poètas de Perinhan, Salas, Lespinhan e d'endacòm mai. Cadun i anèt de sa cançoneta ("Jaquetou", "Tastapet", "La Lenga d'aicí") abans qu'aquela serada de las mai simpaticas s'acabe per un "Se Canta" de rigor.
     Mercé encara a totes nòstres artistas, coneguts o anonimes, e a la Comuna de Perinhan que l'acuèlh n'es totjorn tan remirable.