Dintrada 2016/2017

 

Pour la saison 2016-2017

la cotisation est fixée à 15 €

 Rentrée le mardi 13 

septembre 2016 à 18 h 30

au local du Cercle

10 rue Ancien Port des Catalans

(1er étage, escalier dans la cour)

DINTRADA 2016-2017
DEL CERCLE OCCITAN DE NARBONA

La reünion de dintrada e d’acuèlh dels novèls al Cercle Occitan de Narbona se tendrà dimars 13 de septembre a 18 h 30 al local del Cercle (Maison des Associations Élisée Reclus, 10 carrièra de l’Ancian Pòrt dels Catalans).

Es l’ocasion per los que se vòlon interessar vertadièrament a l’occitan de faire coneissença amb la mai importanta de las associacions occitanas de Narbona en activitat. Lo Cercle se creèt en 1977 e desempuèi a pas quitat de multiplicar sas accions dins de domenis nombroses, dins la linha de la Seccion Departamentala de l’Institut d’Estudis Occitans (creada a Narbona tanben, en 1961). Aqueste an se festejarà lo quaranten aniversari del Cercle.

Una de sas activitats fondamentalas consistís en sos corses setmanièrs gratuits d’occitan pels adultes, de dos nivèls, amb mai d’un « menaire de jòc », d’un biais variat e plen de convivialitat. Quines que sián sos gostes e sos interèsses, cadun i pòt trapa de qué se regalar e ganhar en coneissença e en capacitats.

Lo cors pels « novelaris » se fa cada dijòus a 18 h 30.

Lo pels « avançats » cada dimars, tanben a 18 h 30.

Un còp per mes, una saqueta (repais partejat) contunha lo cors (alternativament un dijòus e un dimars). Es l’ocasion de viure encara mai la lenga occitana en charrant liurament dins l’amistat e la bona umor.

Còst : pas res mai que l’adesion a l’associacion, 15 € per l’annada (après qualques sesilhas d’ensag).

D’autras activitats mobilizan tanben lo Cercle dempuèi quaranta ans : promocion e difusion de la produccion literària e artistica occitana, espectacles divèrses, conferéncias e rescontres variats.

La realitat d’un afogament a de bon, luènh de la quincalha de declaracions tarabastosas.

Per ne saber mai, per participar a la vida del Cercle Occitan de Narbona, venètz a la reünion de dintrada del dimars 13 de setembre (o, se sètz pas disponible, al moment dels corses).

Precision : Lo Cercle Occitan de Narbona fa pas partida de Convergéncia Narbonesa (ni de l’Ostal Occitan) de qué demissionèt per decision de son AG del 30 de març de 2016.
Lire en français

2016-09-13 18.40.34
2016-09-13 18.44.56
 

Dimars 13 de setembre,
dintrada del Cercle Occitan.

   I aviá un fum de mond l'autre dimars al local per l'amassada de dintrada del CerÒc : per ba dire tot, los responsables avián pas previst pro de cadièras, d'unes calguèt que se levèsson per daissar lor sèti a un vièlh combatent o a una femna gròssa que faguèsse pas las aigas dreita.
   Los membres del C.A. aguèron pas pro de plaça al burèu e lo quite president se deguèt apichonar dins un recanton, es per dire...
   Se raconta que sul balet, davant la pòrta, de manifestants (dos o tres segon la Polícia Municipala, un brave centenat segon los militants occitanistas) bolegava per demandar la dobertura d'una classa de mai...
   Alain SAUZÈL, encargat de l'ensenhament, prometèt d'i soscar e aquò apasimèt los esperits enfogats.

   Amb l'ajuda de sos intervenents, lo President CHAPPERT presentèt lo Cercle e sas activitats, mai que mai pels novèls : los corses del dimarç e del dijòus ; las animacions de l'annada, de la Dictada a Total Festum en passant per la Serada, e te sabi ieu...

   Quicòm de nòu ongan : son previstas tres intervencions exterioras (una per trimèstre en principi) e se parla : - de la presentacion per Guy SIÉ del darrièr roman de Christian CHAUMONT, en préséncia de l'autor,
        - d'un expausat sus l'implantacion dels "Gavaches" en çò nòstre, per Patrick BÉZIAT, istorian de Capestang,
        - d'una degustacion de vins animada per nòstre clavaire-adjunt Fr. MARTEL.

Autra noveltat : lo segond dimars de cada mes un talhièr de cant assegurat per J. PORTET.

   E coma de tant parlar balha la pepida, tot aquò s'acabèt amb un manja-dreit convivial, copiós e plan asagat (normal, dins aqueles tempses de secada !).

Lire en français

Ràdio Lenga d'Òc

Cliquez sur le logo

radio lengadoc

 

 

Total Festum

cliquez 2017

cliquez 2016

TF 2015 logo modifi 200

cliquez ►2015

cliquez ►2014

Blog du Cercle Occitan

Cliquez sur le logo

180px-Cercleocc 

Facebook

Cliquez sur le logo

180px-Cercleocc

 

 

Toutes les photos

 Cliquez sur le logo

logo flickr

www.joomlatutos.com
mod_jts_counterstats
mod_jts_counterstats
mod_jts_counterstats
mod_jts_counterstats
mod_jts_counterstats
mod_jts_counterstats
Aujourd'hui :
46
Hier :
164
Semaine :
440
Mois :
2532
Total :
105159
Il y a 1 utilisateur en ligne
Copyright © 2017 Cercle Occitan de Narbonne - Tous droits réservés
Joomla! est un Logiciel Libre diffusé sous licence GNU General Public